ცერონი® გამოიყენება საგაზაფხულო და საშემოდგომო მარცვლოვანი კულტურების ზრდის და განვითარების რეგულატორი კულტურის ჩაწოლის თავიდან ასაცილებლად და პროდუქტიულობის გასაზრდელად. აგრეთვე გამოიყენება ვაშლის ნასკვების გამოსახშირად და ყვავილობის სტიმულაციისთვის, ალუბლისა და ბლის მექანიზირებული კრეფის გასამარტივებლად, ასევე აკონტროლებს პომიდვრის ნაყოფის დამწიფებას.
ეტეფონი 480 გ/ლ
პრეპარატული ფორმა:
წყალხსნარი
მოქმედების მექანიზმი
ცერონი® განეკუთვნება მცენარეთა ზრდის და განვითარების იმ რეგულატორებს, რომლებიც დაკავშირებულია ეთილენის ცვლასთან. პრეპარატი სწრაფად აღწევს მცენარეში და აჩქარებს ეთილენის ფიტოჰორმონის ბიოსინთეზს მცენარეულ ქსოვილებში. ეთილენი თავის მხრივ ასტიმულირებს მყარი სუბსტანციების (ლიგნინისა და ცელულოზის) სინთეზს და ანელებს მარცვლოვანი კულტურების ზრდას სიმაღლეში, რაც იწვევს ჩაწოლისადმი მდგრადობის მატებას. ასევე იცვლება მცენარეთა ბიომასის დაგროვების დინამიკა, ნამჯისა და მარცვლის შეფარდება ამ უკანასკნელის სასარგებლოდ. შედეგად იმატებს კულტურის პროდუქტიულობა და მოსავლის ხარისხი.
თავსებადობა
თავსებადია უმეტეს ფუნგიციდთან და ინსექტიციდთან, გარდა დითიოკარბამატების, გოგირდის და სპილენძის შემცველი პრეპარატებისა. თუმცა ყოველ კონკრეტულ შემთხვევაში აუცილებელია წინასწარი შემოწმება ქიმიურ თავსებადობაზე.
უპირატესობები
- აღკვეთს კულტურის ჩაწოლას
- ხელს უწყობს მოსავლიანობის ზრდას
- ასტიმულირებს ფესვთა სისტემის ზრდას
- უზრუნველყოფს მოსავლის აღებისთვის ხელსაყრელ პირობებს
- ხელს უშლის მარცვლის ჩაპნევას
გამოყენება
| კულტურა | გამოყენების მიზანი | პრეპარატის ხარჯვის ნორმა
ლ/ჰა |
მეთოდი, გამოყენების პერიოდი | სამუშაო ნაზავის ხარჯვის ნორმა ლ/ჰა |
ლოდინის პერიოდი, დღე (დამუშავების ჯერადობა) |
| საშემოდგომო ხორბალი | კულტურის ჩაწოლის პრევენცია | 0,5 – 1,0 | ნათესების შესხურება ბარტყობის ფაზის დასრულებიდან დროშა ფოთლის ფაზამდე * | 200-400 | – (1) |
| საშემოდგომო ჭვავი | კულტურის ჩაწოლის პრევენცია | 1,0 | იგივე* | 200-400 | – (1) |
| საშემოდგომო ქერი | კულტურის ჩაწოლის პრევენცია | 0,75-1,0 | იგივე* | 200-400 | – (1) |
| საგაზაფხულო ქერი | კულტურის ჩაწოლის პრევენცია | 0,75 | იგივე* | 200-400 | – (1) |
| ტრიტიკალე | კულტურის ჩაწოლის პრევენცია | 0,75-1,0 | იგივე* | 200-400 | – (1) |
| ვაშლი | ნასკვების გამოხშირვა, მომდევნო წლის ყვავილობის სტიმულირება | 0,36-0,72 | ნასკვების 50%-ს ჩამოცვენიდან (BBCH 67) 10-20 მმ დიამეტრის ნაყოფის წარმოქმნამდე (BBCH 72)* | 600-1200 | 10 (1) |
| ალუბალი, ბალი | მოსავლის მექანიზირებულად აღების გამარტივება | 0,6-0,8 | ჯიშისთვის დამახასიათებელი შეფერილობის გამოვლენამდე (ВВСН 85) – 1 კვირით ადრე მოსავლის აღებამდე (ВВСН 86) * | 1200-1600 | 10 (1) |
| პომიდორი (საშუალო სიმწიფის ჯიშები) (დახურული და ღია გრუნტი) | სიმწიფის კონტროლი | 2,0-3,0 | 30%-იანი სიმწიფიდან, სანამ ნაყოფების 30%-ს აქვს სრული სიმწიფის შეფერილობა (BBCH 83) * | 600-800 | 10 (1) |
| პომიდორი (საგვიანო სიმწიფის
ჯიშები) (დახურული და ღია გრუნტი) |
სიმწიფის კონტროლი | 1,0 | 1-ლი დამუშავება: სიმწიფების დაწყებიდან სანამ ნაყოფების 10%-ს აქვს სრული სიმწიფის შეფერილობა (BBCH 81);
მე-2 დამუშავება: როდესაც ნაყოფების 50%-ს აქვს სრული სიმწიფის შეფერილობა (BBCH 85) * |
600-800 | 10 (2) |
გამოყენების პირობები და დრო
საშემოდგომო ხორბალი – დამუშავება უნდა ჩატარდეს ზრდის ფაზაში BBCH 29–39, ანუ ბარტყობის ფაზის დასასრულიდან დროშა ფოთლის სრულ გამოჩენამდე (დროშა ფოთოლი სრულად არის განვითარებული, დროშა ფოთლის ლიგულა ჩანს).
საგაზაფხულო ქერი, საშემოდგომო ქერი – დამუშავება უნდა ჩატარდეს ზრდის ფაზაში BBCH 29–45, ანუ ბარტყობის ფაზის დასასრულიდან იმ სტადიამდე, როდესაც დროშა ფოთლის ლიგულა მიაღწევს საბოლოო ზომებს (დროშა ფოთლის ლიგულა სრულად გაჭიმულია, ფოთლის ხალთა მნიშვნელოვნად შებერილია).
საშემოდგომო ჭვავი, ტრიტიკალე – დამუშავება უნდა ჩატარდეს ზრდის ფაზაში BBCH 29–39, ანუ ბარტყობის ფაზის დასასრულიდან დროშა ფოთლის სრულ გამოჩენამდე (დროშა ფოთოლი სრულად არის განვითარებული, დროშა ფოთლის ლიგულა ჩანს).
ვაშლი – გამოყენება შესაძლებელია ვაშლის ნასკვების გამოსახშირად. პრეპარატი შეაქვთ დოზით 0,36–0,72 ლ/ჰა გაანგარიშებით 600–1 200 ლ/ჰა ნასკვების 50%-ს ჩამოცვენიდან (BBCH 67) 10-20 მმ დიამეტრის ნაყოფის წარმოქმნამდე (BBCH 72). გამოხშირვის ეფექტთან ერთად დამუშავება უზრუნველყოფს მომდევნო წელს ყვავილობის მატებას, რითაც ხელს უწყობს მსხმოიარობის პერიოდულობის დაძლევას.
ალუბალი, ბალი – შესაძლებელია პრეპარატის გამოყენება ალუბალსა და ბალზე მოსავლის მექანიზირებულად აღების გასამარტივებლად. დამუშავება უნდა ჩატარდეს ჯიშისათვის დამახასიათებელი შეფერილობის გამოვლენამდე 1 კვირით ადრე (ВВСН 85) და მოსავლის აღების წინ (ВВСН 86). ალუბლისა და ბლის დასამუშავებლად საჭიროა 0,6-0,8 ლ/ჰა პრეპარატი და 1200-1600 ლ/ჰა წყალი. შესხურებისას თვალი უნდა ვადევნოთ პრეპარატის თანაბარ განაწილებას ვარჯის ფარგლებში, ბუჩქის შიგნით.
პომიდორი – პრეპარატის გამოყენება შეიძლება პომიდვრის სიმწიფის დასაჩქარებლად (როგორც დახურულ, ისე ღია გრუნტში). საშუალო სიმწიფის ჯიშებისთვის დამუშავება უნდა ჩატარდეს 30%-იანი სიმწიფისას, როდესაც ნაყოფის 30%-ს აქვს სრული სიმწიფის შეფერილობა (BBCH 83). მოსავლის აღება შეიძლება დაიგეგმოს დამუშავებიდან ორ კვირაში. პრეპარატის ხარჯვის ნორმა – 2-3 ლ/ჰა; წყლის საჭირო რაოდენობა – 600-800 ლ/ჰა. საგვიანო სიმწიფის ჯიშებისთვის რეკომენდებულია ორი დამუშავების ჩატარება. პირველი დამუშავება უნდა ჩატარდეს, როდესაც ნაყოფის 10%-ს აქვს სრული სიმწიფის შეფერილობა (BBCH 81); მეორე დამუშავება უნდა ჩატარდეს, როდესაც ნაყოფის 50%-ს აქვს სრული სიმწიფის შეფერილობა (BBCH 85). პრეპარატის ხარჯვის ნორმა – 1 ლ/ჰა; წყლის საჭირო რაოდენობა – 600–800 ლ/ჰა. პრეპარატის უფრო მაღალი დოზები შეიძლება საჭირო გახდეს 16°С-ზე დაბალ ტემპერატურაზე ან მსხვილი ფოთლების შემთხვევაში.
